حشدنه أنــه ابين سبب تكوينه
ابفتوه شكلّه السيستاني والينه
لأن گرّب ظهور الحُجّه مهدينه
حشد الله ايصير امن انصاره
****
حشد الله المقدّس ثابت اوجوده
امن العباس ماخذ همّته اوزوده
يدافع عن وطنّه ويحرس احدوده
واجبنه اندعمه وندعيله
****
حگنه بالحشد نفخر ونتباهه
لأن راية مجدنه ابعزمه علاّهه
مذعوره الدواعش منّه خلاهه
لاگاهه ابصبره وايمانه
***
أنه امن احچي كلامي صادق ومثبوت
زلــــــم عدنه ابحشدنه ماتهاب الموت
وين اتــريـــــد يعجبها ابشجاعه اتفوت
ياويله كلمن عاداهه
***
حشدنه داخت امريكا ابقـيـاداته
لأن شافت ثباته ونصر صولاته
حشدنه ايهوس الكون اويه هوساته
امريكا احتارت بفعاله
****
هلهوله الحشدنه انريد هلهوله
يشيعه وبالنصر يوميّه ادعوله
ذل الــداعشيّه الكلهم انـغــوله
ماثبتوا بالساحه اگباله
***
المايدعــم حشدنه مايحب دينه
يعني ايريد داعش يحكم اعلينه
وين البيه حميّه عالوطن وينه
خل يدعم حشدالله الليله
***
عـــدنــه زلــم نهظة لجل حفظ الدين
برضا لنخيب اتذود عن ارض احسين
ياحـــــــي زلمنه ابـقـــاصم الجبارين
رايتهم رفت منصوره
التعليقات
لا توجد تعليقات على هذا المقال بعد. كن أول من يعلق!