بمناسبة ولادة عقيلة بني هاشم
السيدة زينب الكبرى عليها السلام
اهدي لكم
ولائيّه ولائيّه
ترف تْنور رايتنه – بْصحن زينب شفيعتنه
علت هاليوم صيحتنه
ولائيّه ولائيّه
..............
بْدمانه الگبه نفديها – فنه المسها وْ يِاذيها
جيوش العار نفنيها – كتايبنه التصفّيها
نحبّ الموت عادتنه – فدائيّه هويّتنه
ولائيّه ولائيّه
..............
فدائيّه وْ كتبناها - عله الرايه وْ رفعناها
نذرنه ارواحنا فْداها- رمز كل شيعي مثواها
لخت عباس طاعتنه – رمز هيّه العقيدتنه
ولائيه ولائيه
..............
وحق اسمه الكفل زينب – غضب يلگه العدو اليگرب
بْسعير النار يتعذّب – بْرمِيّه يْطيح والاصعب
ليوث ابطال شافتنه – الوهابيه التهددنه
ولائيه ولائيه
..............
تِرف راية اسد خيبر – بْضريح الحرّه بت حيدر
نحاميها وْ نظل نفخر – رغم انفه الفته وْ كَفَّر
عِلَت بالرايه هامتنه – حسينيه مسيرتنه
ولائيه ولائيه
..............
بْشفيعتنه تباهينه – الْيعاديها يعادينه
وْيعادي الهادي والينه – وامير الكون حادينه
فخر عزنه وْ كرامتنه – مصيريّه قضيّتنه
ولائيه ولائيه
..............
ابد مانرضه بالذله – تحدينه الكُفر واهله
عزمنه من ابو الحمله - بْعلي رايتنه تتعلّه
الكُفُر وجْيوشه هابتنه – اماميّه وثيقتنه
ولائيه ولائيه
التعليقات
لا توجد تعليقات على هذا المقال بعد. كن أول من يعلق!