دْخيلك يبو الحسنين

انت الامل يالمرتضى يا بو الميامين – كلمن يعوفك يا علي ابآخرته خسران
واسمك يحل كل معضله ياسيد الابرار – يابو الحسن انت الفرج ياسر الاَيمان

تْعنيت ناوي ازيارتك هدّتني الهموم – جيت اشتكيلك يالولي بهموم حيران
حاير وحيد ابْدنيتي ادركني مولاي – انت الابو البي نحتمي او نشكيله الاحزان

واقره الزياره او حالتي مدمومه العيون – اصرخ وَنادي ابحضرتك ياراعي الاحسان
بْجاهك امامي ياعلي تنزاح الغموم – كل المشاكل تنتهي ابْعدلك يميزان

عدلك ادوّر يالوصي ماشابها امْثال – مالك مثيل ابسلطتك وبكل الازمان
بيها النجاة ازيارتك بيها الكرامات – فاز اليزورك واهتده للحق والجْنان

حال اليتامه املوّعه او مالومه وِتنوح – تبچي او تِلوج امنالالم منهوكه الابدان
صرخت يتيمه امنالقهر سمعتها الاسلام – الگبرك اجيت او اشتكي لمِصايب الوان

بيك استجير اليوم جيتك واخوِتي او ياي – دْخيلك يبو الحسنين ماترضاها ننهان
نزلت دمعتي او آه مااصبر عله الصار – چم حاير او مظلوم يصرخ بالصحن چان



.......................................
.......................................

خادم اهل البيت ( ع )