اريد ابچي وانوح اليوم عالاكبر
اواسي حسين والزهره او اسد خيبر
........................
شبه جده النبي طه يوصفونه – على الاكبر شهيد الطف تعرفونه
نزل عطشان للحومه ويهابونه – تشوفه الناس بالحمله اسد يزئر
........................
فخر عدنان سل سيفه على الباطل – علي الكرار بالميدان ويقاتل
بطل مغوار من جده العزم شايل – وگف وينادي بالميدان يا حيدر
........................
شبل كرار حامي الجار وانعومه - ولا واحد وگف گدامه بالحومه
غضب ربنه على الظالم حرگ يومه – بني هاشم تباهت بيه تتفاخر
........................
اجه للوالد يگله العطش هدني – يگله الوالد الجدك ترد يبني
وتگله الگوم غدرتني ومضت عني – اريد حساب كلمن خان بالمحشر
........................
غدر ضربوه للغالي على راسه – الفرس لعداه راجع بيه يظن ناسه
سيوف الگوم تطعن بيه الم قاسه – صدى صوته يِنادي الوالده يحضر
........................
وصل يمه وحضن صدره بالم ينعه – يربي اشهد على اللوعات والدمعه
الك انعه شبَه جدي ونفِس طبعه – صُبَر ابني على المكتوب ومْگدر
التعليقات
لا توجد تعليقات على هذا المقال بعد. كن أول من يعلق!