غالينه وْولينه
سعيد الفتلاوي

 

 

هله بميلاد غالينه وْولينه

حسن مولاي نورك من نبينه

 

........................

 

الك مولاي من جدك كرامه

زعيم تكون سيد للامامه

ولي عالناس واليوم القيامه

نروح فداك ربان السفينه

 

........................

 

علي الكرار مبروك الولاده

نعيش افراح تغمرنه السعاده

بولادة ليث منك للقيادة

امام يكون قائد تابعينه

 

........................

 

رفعنه اليوم للزهره التهاني

جُمل واشعار سطرنه المعاني

ودعينه الله يرزقنه الاماني

بحق مولود هاليله ارتجينه

 

........................

 

كريم البيت محلاهه المقوله

الكرم والجود ماخذ بي بطوله

تظل للدوم عنوان الرجوله

الضعيف الحال توگفله وتعينه

 

........................

 

فرح واعياد مولد مجتبانه

سمه الرحمن فرحانه وجنانه

حبيب الشيعه تتمنه زمانه

ينور النور ومضوي علينه

 

........................

 

تفاخر بيك اهلك والعشيره

عِلِم واحكام تحمل والبصيره

امام الدين فخره وْيا اميره

نريد وياك بالجنه دعينه

 

........................

 

تمنيت البقيع اوصل وزوره

وجيب وياي اهلي والنذوره

ترد بزيارتي الگلبي سروره

وقبل تراب ارضچ يالمدينه

الموضوع السابق سعيد الشيخ يقولب القصيدة على حجم المأساة في "ما يضر الكون لو أبقى حيا"

قناتنا على التلغرام : https://t.me/kitabat