ابو ذيّات مولد الامام علي ( ع )

بمحمد للصراط الكل يُعبره – وشهاده بالولايه تنول عَبره
امان بهالكرامه الخط نعبره – بنبينه والوصي دايم فرحنه

.......................................

يلج باسمك فرحنه صار عاده – اعد صحنه نريد اسمك اعاده
علي بنورك نصد من النه عاده – مواليد الفرح بانت علينه

.......................................

رضا الباري على حبكم وحِسبه – شفاعتكم رجينه بيوم حسبه
نجا كلمن يحبكم من يحَسبه – بولايتكم نجاة النه وهديه

.......................................

صرت للامه والي عِلمه – علي عالم هالافلاك وعَلمه
تحل كل مشكله انت يا عليمه – صعب نوصف قدرته العالميه

.......................................

ينور الكل فرح اسمك وعيده – نظل باسمك علي نصيح ونعيده
بفرحنه الكل يجدد الك وَعيده –هوينه هالحبيب احنه ونريده

.................................................. ........................

دعينه الله اليج باسمك يِعِينه – دعاء اقرَ بِاسم حيدر وعَيْنه
مجيب الباري للمطلَب يعيْنه – ربح كلمن يذكرك ياولينه

.................................................. ................

ربح كلمن نوه الكم وساره – رضا الربنه محبتكم وسِره
ينال الجائزه بحشره وسَره – شفاعتكم ذخرنه بالمنيه

.................................................. ................

عميد الهالولايه شلون وصْفاك – ذهب صافي قدير الذي اَصفاك
ربح كلمن اجه برحلك وصفاك – نروح فداك يا عزنه وفخرنه

.................................................. ................

اريد امدح ابو الحسنين وعَلمه – تراك تشوف كل هالنور عِلمه
حكيم ويعرف الحق ويِعِلمه – اشوفك نور يا خير البريه

.................................................. .................

هلا بزين الرجال بروحه ضحى – وحق نورك الهي نوره اضحى
فرحنه بمولده چن عيد الاضحى –تره بانواره هالدنيا ضويه

.................................................. .................

علي بغير حبه مانرضه ونريده – فداك الروح والگلب و وريده
اصد ياهو اليريد الشر ورده – علي الماعندي غيره بالمنيه
.................................................. .................

علي نور الولايه النه سميه – منو مثلك حلتله هالسَميه
علي شگد هالاسم عالي بسمايه - احبك موت ياوالي الرعيه