يا حبيب يا وطني
عباس طريم

اباهي بكل مثقف ينشر النور

 

اباهي ابكل  مثقف ,  ينشر  النور   

    وكل  كاتب, وكل  شاعر

            عراقي  

 

 +

و كل بحث ومقال وشعر منشور

     لخوتنه  العرب , لجل  

         التلاقي

+

 

واكلك  يا وطن , كلهم الك  سور

  وقلمهم , دامك  انته  ابخير 

         باقي

+

 

كل  كاتب  انوصفه,  انكول بلور

  وكل  شاعر انقيمه , انكول 

          راقي

 

+

بيهم  كل  اديب , وعلم  مشهور

    يتمنه   لترابك    يظل  

          ساقي

 

+

وكل  رسام  بالمغترب  , مجبور

   يرسم  صورتك  وسط   

          الماقي

 

+

كل   ابداعهم   للوطن    منذور

    وقلمهم   ,   للمحبة    

         وللتلاقي

 

+

ابشر  يا وطنه , اونام     مسرور

   بحرك  طاف    واتفجر 

         سواقي

 

+

اولادك  بعدهم     دمهم     ايفور

    كل   واحد  ايريد   ايصير 

           واقي

+

 

كل  واحد  سؤاله  ابراسه  ايدور

     هم   الوطن    يشتاق   

          العناقي؟

 

+

هم   ينطر  رسايل   من  الطيور؟

   هم  ناح   وبجه    ابليل  

        الفراقي؟

 

+

من يوم الصرت عالسفر مجبور  

   وحقك  يا وطن ,  حنظل 

           مذاقي

 

+

انه   مقيد   ابقيد , وناذر   انذور

   اذا  رب   البرية    ايحل 

         وثاقي

+

 

اجيك اوي النشامه , اونبني الجسور

    بالارواح , بس  كون   انته 

            باقي

 

+

وانظل  فوك  راسك  مثل البدور

     ما  دام   الصبح   ديجك 

            ايقاقي

الموضوع السابق تاريخ الجنود المجهولين

قناتنا على التلغرام : https://t.me/kitabat