رْجال حيدر والحسين
سعيد الفتلاوي

حيّ الله جنْد المرجعيّه  الغانمه  ...  رْجال حيدر والحسين

نخوةِ العباس سبع الگنطره – عفيه بلْيوث العراق المفخره

ذَلّو خوارج هالعصر  بالموزمه  ... رْجال حيدر والحسين

.

...........................

.

سيّد علي وْ كلّ المراجع قررت – تنهي ظُلُم هالداعشيه الي طِغت

جْنود المراجع بالقرار تْحزّمت – لبّت نداء الحق عله الله تْوكّلت

تْنادي بالثارات للدم الجره – واليتامه والنسه المتأسّره

وتْطفّي نار امّ الشهيد المضرمه ... رْجال حيدر والحسين

.

...........

.

تكريت تشهد والرمادي الهالزلم –  ما همهم الصعبات حيهم والنعِم

من كل بغي وْطاغوت بيهم ننتقم – لاتباع ابو سفيان رِجمَوهم رَجِم

صولةِ الابطال صولة حيدره – جْيوش هالظلّام بيها مْحيّره

سَجِّل يتاريخ الامم هالملحمه ..... رْجال حيدر والحسين

.

...........

.

همّه الامل  والمرتجه  بْهاي  المحن  –  يكفونه  شرّ  الداعشيه  اهل الفتن

ما صار مثله الهالحشد في هالزمن -  اَمن العراق وْ شعبه بالحشْد ارتهن

هالحشد غانم عظيم المقدره – عالعدو الغدّار الله مْگدّره

وارجاله بسم الباري كلها مْحزّمه ... رْجال حيدر والحسين

.

...........

.

كل فاسد وْ كل  خاين  الباگ  وْ نِهَب  –  يتحاسب  وْ ياخذ  جزاءه  المرتقب

واندفعه حقنه الصادره واللي نْسِلَب – معروف نهجه الداعشي وْ مثله نْحسَب

والنشامه منّ اذانه تْجرجره – هوّه ساس الهالمصايب والجره

متخلّي كل زمره وْ عصابه مجرمه .... رْجال حيدر والحسين

.

...........

.

ما نفترق غصبن عله كل ناصبي  –  متوحّدين احنه شعب  حرّ  وْ وابي

جيش وْ حشد لا طائفي  وْ لا مذهبي –  هذا الوطن محروس بالله والنبي

والنصر دوم النه ربنه مْيسّره – واليِمِس تربة وطنّه نْوذّره

يا ويله من صعق الليوث الصارمه .... رْجال حيدر والحسين

الموضوع السابق في انتظار شيء ما

قناتنا على التلغرام : https://t.me/kitabat