عبود...في زمن التغيير والتجديد!!
وجيه عباس
المقالات لا تُعبر عن وجهة نظر الموقع، وإنما تعبر عن رأي الكاتب.
قرر الحاج عبود أن يتغيّر...إي ليش لا؟ شنوه هوّه إزغيّر؟!...البقاء على حال واحد أشبه بالجلوس على تل...يلله عبود تلهه وخل اليصير يصير...الوادم هالايام كلهه كَالبه على التغيير...نظر الى وجهه بالمراية...قال ان لحيتي التي رافقتني طيلة عمري هي لحية خائنة وعميلة للموت..بكل تهوّر سايبة وفقدان ذات كيّة وطيحان حظ لوري اقجم...حلق الحاج عبود لحيته إمتثالا لامر المرجعية في التغيير...نظر الى شاربه ووجده يتيما من دون لحيته الحليقة، الحقهه بها من دون ان يرمش له جفن...ملأ وجهه برغوة صابونة دوف واخذ يردد مع نفسه:
-عبود...صارت سهلة...صابون دووووف علامة التغيير..صابون دوف يحوّلك من حجي عبود الى عبود ابو الهلس...دوووف علامة الرجوع الى الشباب...اشتعلت روحج اصبيحه خلصت عمرهه وياي بالطين خاوة بنت الجلب...ولج شوفي الله شخالق من هذا اللحم...عمي والله راح اقلد المرجعية بكل تغيير تريده بس كون احصل لي وحدة بيهه حظ.
عبود من دون لحية وشارب ينام على بطنه وهو يحلم بالتغيير الذي ستجلبه الانتخابات، يتصور نفسه مستشارا لحمورابي وهو يقول له:
-الطبيب الذي يعالج مريضاً ويتسبب في وفاته يتحمل وزر عمله وقد تصل عقوبته إلى ايقاع الموت به،اشتعلت رويحتك حمار...رابي...من وراك حتى اطباء التخدير شردوا من اجل التغيير للحفاظ على رقابهم..يصير المريضة بالعملية يصير بيهه شلل حتى يتزوجهه الطبيب غصبن على شاربه...غير تغيير؟! يكمل حمورابي:إذا اقترف رجل سرقة وأمسك يقتل ...ادري بوية اكو عشاير يامصايب الله يحمورابي...يكمل حمورابي : إذا اتهم رجل رجلاً آخر بجريمة قتل ثم لم يثبت ذلك ضده يحكم على المتَهِم بالموت ادري مو اكو عشاير وفصول...احتركَت لشتك خربت السنينة والفريضة..
انقلب حجي عبود كما تنقلب بشة على بطنها...كان يقف قرب جلجامش وانكيدو وهما يقتلان خمبابا:[هجم خمبابا على انكيدو امسكه انكيدو بقرنيه..أرغى الثور وازبد...امسكه انكيدو بذله، نادى:جلجامش ظفرنا به،وبين السنام والقرنين أنفذ السيف، قتلا ثور السماء اخرجا قلبه] ياماتستحون ياسيبندية ياغمان يالواحيكَـ ياسرسرية...الفقير هذا مسويلكم شي؟ شني هوه مواطن عراقي؟ عايفين اور وبابل للغمان ورايحين على وحش لان يشتغل حارس مزرعة؟ وين تروحون من العشاير؟ الا يهججوكم بليلة ظلمة...يعني بيكم خير امشوا ويه التغيير...بدل ماتكتلون الحارس اكتلوا المحافظ ...اعضاء مجلس المعافطة لابو خيّركم ياميليشيات!!...
ينقلب حجي عبود مثل عتوي فقد بطانيته، كان يقف الى جنب أَخيل ...إخيّك أخيل عله كيفك ويه هكتور تره هكتور خوش ولد وصاحب عائلة...عله كيفك الله يهد حيلك؟ شني ثور؟ كان اخيل يردد مع كريم الشامي(شجابه كريم الشامي بهاي الساعدة السودة ماادري):
[اخيل كانَ وحشاً مُتعطّشاً للدم، ولم يك مقاتلاً نبيلاً قط.
لكن المُخْتَلَق ( هوميروس ) هو من خلعَ عليهِ كُلّ هذا التبجيل.
أَمّا طروادة، فما كانت لتسقط، غير ان أبولو الوهم وكاهنه الكذاب
هُما من تسببا بسقوطها...هكتور كان صادقا ونبيلاً وشجاعاً، لكنه كانَ غبياً، لأنهُ ما أدرك قط بان الحربَ خدعة في المقام الأول]...
عبود يفز مثل حمار ويصيح على ابنه المرشح في الانتخابات القادمة:
- ولك خشلوك...اشتعلت ارويحتك ورويحة الي جابك علينه...ولك ياتغيير ابن الكلاش...خليتونه نزين لحايانه وشواربنه ...وبالاخير طلعنه كمش!.
قناتنا على التلغرام :
https://t.me/kitabat
وجيه عباس

قرر الحاج عبود أن يتغيّر...إي ليش لا؟ شنوه هوّه إزغيّر؟!...البقاء على حال واحد أشبه بالجلوس على تل...يلله عبود تلهه وخل اليصير يصير...الوادم هالايام كلهه كَالبه على التغيير...نظر الى وجهه بالمراية...قال ان لحيتي التي رافقتني طيلة عمري هي لحية خائنة وعميلة للموت..بكل تهوّر سايبة وفقدان ذات كيّة وطيحان حظ لوري اقجم...حلق الحاج عبود لحيته إمتثالا لامر المرجعية في التغيير...نظر الى شاربه ووجده يتيما من دون لحيته الحليقة، الحقهه بها من دون ان يرمش له جفن...ملأ وجهه برغوة صابونة دوف واخذ يردد مع نفسه:
-عبود...صارت سهلة...صابون دووووف علامة التغيير..صابون دوف يحوّلك من حجي عبود الى عبود ابو الهلس...دوووف علامة الرجوع الى الشباب...اشتعلت روحج اصبيحه خلصت عمرهه وياي بالطين خاوة بنت الجلب...ولج شوفي الله شخالق من هذا اللحم...عمي والله راح اقلد المرجعية بكل تغيير تريده بس كون احصل لي وحدة بيهه حظ.
عبود من دون لحية وشارب ينام على بطنه وهو يحلم بالتغيير الذي ستجلبه الانتخابات، يتصور نفسه مستشارا لحمورابي وهو يقول له:
-الطبيب الذي يعالج مريضاً ويتسبب في وفاته يتحمل وزر عمله وقد تصل عقوبته إلى ايقاع الموت به،اشتعلت رويحتك حمار...رابي...من وراك حتى اطباء التخدير شردوا من اجل التغيير للحفاظ على رقابهم..يصير المريضة بالعملية يصير بيهه شلل حتى يتزوجهه الطبيب غصبن على شاربه...غير تغيير؟! يكمل حمورابي:إذا اقترف رجل سرقة وأمسك يقتل ...ادري بوية اكو عشاير يامصايب الله يحمورابي...يكمل حمورابي : إذا اتهم رجل رجلاً آخر بجريمة قتل ثم لم يثبت ذلك ضده يحكم على المتَهِم بالموت ادري مو اكو عشاير وفصول...احتركَت لشتك خربت السنينة والفريضة..
انقلب حجي عبود كما تنقلب بشة على بطنها...كان يقف قرب جلجامش وانكيدو وهما يقتلان خمبابا:[هجم خمبابا على انكيدو امسكه انكيدو بقرنيه..أرغى الثور وازبد...امسكه انكيدو بذله، نادى:جلجامش ظفرنا به،وبين السنام والقرنين أنفذ السيف، قتلا ثور السماء اخرجا قلبه] ياماتستحون ياسيبندية ياغمان يالواحيكَـ ياسرسرية...الفقير هذا مسويلكم شي؟ شني هوه مواطن عراقي؟ عايفين اور وبابل للغمان ورايحين على وحش لان يشتغل حارس مزرعة؟ وين تروحون من العشاير؟ الا يهججوكم بليلة ظلمة...يعني بيكم خير امشوا ويه التغيير...بدل ماتكتلون الحارس اكتلوا المحافظ ...اعضاء مجلس المعافطة لابو خيّركم ياميليشيات!!...
ينقلب حجي عبود مثل عتوي فقد بطانيته، كان يقف الى جنب أَخيل ...إخيّك أخيل عله كيفك ويه هكتور تره هكتور خوش ولد وصاحب عائلة...عله كيفك الله يهد حيلك؟ شني ثور؟ كان اخيل يردد مع كريم الشامي(شجابه كريم الشامي بهاي الساعدة السودة ماادري):
[اخيل كانَ وحشاً مُتعطّشاً للدم، ولم يك مقاتلاً نبيلاً قط.
لكن المُخْتَلَق ( هوميروس ) هو من خلعَ عليهِ كُلّ هذا التبجيل.
أَمّا طروادة، فما كانت لتسقط، غير ان أبولو الوهم وكاهنه الكذاب
هُما من تسببا بسقوطها...هكتور كان صادقا ونبيلاً وشجاعاً، لكنه كانَ غبياً، لأنهُ ما أدرك قط بان الحربَ خدعة في المقام الأول]...
عبود يفز مثل حمار ويصيح على ابنه المرشح في الانتخابات القادمة:
- ولك خشلوك...اشتعلت ارويحتك ورويحة الي جابك علينه...ولك ياتغيير ابن الكلاش...خليتونه نزين لحايانه وشواربنه ...وبالاخير طلعنه كمش!.
قناتنا على التلغرام : https://t.me/kitabat