يلّي راحل
سعيد الفتلاوي

يلّي راحل گلبي يمّك
يا محب يترك حبيبه
وين اروحن نار فگدك
يا گلب ينسى المصيبه
..............
تنسه روحك ما اظنّك
ادري ردّك روحي سرّك
عمري فدوه انذره لاسمك
والگلب بُعْدَك يصيبه
..............
يا العفتني داري ظلمه
طيف صدرك كون اضمّه
باقي طيفك يضوي رسمه
بويه دنيانه عجيبه
..............
يمّي احسّك يا حبيبي
انت روحي وكل نصيبي
بالمرض حبّك طبيبي
بَعدك ايّامي عصيبه
..............
همّي وينه الّي ينفسه
عالبعد چم واحد انسه
عاين الحالي تحسّه
اصرخ بصوتي غريبه
..............
للگمر چنّي اخبره
دمعتي ويّاهه عَبره
والالم ياهو اليصبره
يا صبر ومنين اجيبه
..............
شلون يا بويه بْمُصابي
عالحزن شنهو جوابي
من لفاني دگلي بابي
ابچي وانعى عالشبيبه
>>>>>>>>>>>>>>>>>>

خادم اهل البيت ع
سعيد الفتلاوي الطويرجاوي

الموضوع السابق هنيئاً( أور) شلال الوفاء لأميرك الغائب

قناتنا على التلغرام : https://t.me/kitabat