لارض الطف ياالقاري وديني
بلوعة حزن ابكي هناك خليني
لارض الطف ياالقاري وديني
..............
مصاب حسين بارض الطف ياذيني
يجري الدمع بحرقة والم من عيني
اواسي حسين بالدمعات خليني
لارض الطف ياالقاري وديني
..............
على اخت حسين بت فاطمة ترويلي
شحال العقيلة من انسبت تحكيلي
وبالزينبية اللطم حيل خليني
لارض الطف ياالقاري وديني
..............
من العلقمي لعند حسين ردني وديني
لام البنين الطاهرة اعزيها وتعزيني
بمصاب ابو اليمة
وكمر هاشم ضي عيني
لارض الطف ياالقاري وديني
..............
مأتم عزاء للاكبر سويلي
واريد المهد الرضيع تلوليلي
مذبوح بسهم مسموم هد حيلي
لارض الطف ياالقاري وديني
..............
سكنة تقول وين الماي عمي اسكيني
رقية تصيح يابوية حسين حاكيني
غريبة شلون بالمدينة من يدليني
لارض الطف ياالقاري وديني
..............
خادم اهل البيت ع
سعيد الفتلاوي
التعليقات
يوجد 7 تعليق على هذا المقال.
تبارك وتعالى ان يجعلكم من محبي محمد وال محمد
وان يحشركم مع محمد وال محمد بحق محمد وال محمد
امين رب العالمين وصل الله على محمد واله الطاهرين
اجركم الله وجزاكم عن محمد ص وعن اله ع خير الجزاء