قصيدة / يبن الباقر يا مسموم
سعيد الفتلاوي

ببن الباقر يا مسموم

هاي الليله ننعه مْصابك يبن الاخيار

نْواسي الزهره نْعزّي الهادي وْ والينه الكرار

يابو الكاظم يا مظلوم.

.............الدمع همّال لمصابك يبن حيدر - امام الشيعه يا مغدور يا جعفر

فلا ننساك يبن الطاهره الكوثر - نهج هذا الحزن هيهات يتغيّر

دمعنه دْموم لمصابك - غدر سمّوك عدوانك

نعَلم الناس بالصابك - نْعلم العالم يا بو الكاظم بالصار وْ دار

يبن الباقر يا مسموم

 

.............

.نِعَلم الناس بالعملو بني العباس - قتل تهجير عالاطهار ما ينقاس

الظلم والجور لو نحچي يِشَيب الراس - عجب تترضّه عالانذال بعض الناس

عليهم يشهد الخالق - بدت من سمّو الصادق

بداها الظالم الفاسق - جار المنصور الفاجر عالعتره الابرار

يبن الباقر يا مسموم

 

..............

 

يبن حامي الحميّه وْ عالِم الاديان - عزاك بْكل مدينه يا ولي الرحمن

مآتم للحزن منصوبه بالبلدان - عله عْناد النواصب آل ابو سفيان

تظل للدوم ردّتنه - بْمجالسنه وْ مواكبنه

نواليكم يسادتنه - للموت انواليكم خدّام الكم وانصاري

بن الباقر يا مسموم.

............

.اليزور گْبوركم مشرك يسمّونه - حچي والفاظ مو زينه يسمعونه

خوارج هالزمن عنكم يمنعونه - زحف نوصل نجيكم خل يذَبحونه

البقيع ارواح نفديها - يجي اليوم اللي نبنيها

اوْعهد للموت نحميها - كلّ الغرقد نبنيها نقسم بالمختار

يبن الباقر يا مسموم

 

.............

 

مقامات وْ قبور الكم يفجروها - بني صهيون تذبح بينه خلّوها

فتاويهم علينه بس يطبقوها - اصول الدين كلها اليوم حرفوها

سبونه اليوم هالاوغاد - فتاويهم بدع والحاد

بريدون الزمن ينعاد - منهج حيدر ما يردو هالزمره الاشراريبن الباقر يا مسموم

الموضوع السابق اِلدُّنْيَا..مِتْزَيِّنَةْ

قناتنا على التلغرام : https://t.me/kitabat