ماننسه لا والله دمعة رقيه
روح النبي المختار بت الزچيه
...................
بنار الحزن والاه يهمل دمعنه – واعله العزيزه ايدوم مجلس حزنه
ماتبرد النيران يسعر جرحنه – من ظلم ابن سفيان ابن الدعيه
...................
تْنوح اليتيمه اتريد والي امرها – يحظر يجيها ايشوف حالة اسرها
من غاب ابوالاحرار محد يسرها وْمابطلت هالنوح صبح او مسيه
...................
وبمجلس الطاغوت تبچي او تريده – ماتدري بالمظلوم حزو وريده
واعله الرمح مرفوع راس العقيده - وينك يبويه اتصيح آنه السبيه
...................
فزت يعمه ابطيف اسمع كلامه – وتْرد عليها اجواب فخر الامامه
راح ابسفر لبْعيد راعي الشهامه – يم جدنه والاطهار خير البريه
...................
عرضو عليها الراس صارت فجيعه – من شافت المذبوح طاحت صريعه
انصرعت رقيه او حيف صرعه فضيعه – ناده العليل بآه جتها المنيه
...................
من بيت ابو سفيان كلها المصايب – منهم اساس الجور اصل النوايب
عادوعلي الكرار اهله اوْگرايب – امصابچ رقيه ايدين ارجاس اميه
التعليقات
لا توجد تعليقات على هذا المقال بعد. كن أول من يعلق!