بغداد اليوم احزان

يالكاظم يا مظلوم يالكاظم يا مسموم

مْصابك لا ماننساه – كل شيعي يْنادي اليوم

يالكاظم يا مظلوم يالكاظم يا مسموم

..............

يومك يوم الحسرات – ننسه مْصابك هيهات

لاحزانك واللوعات - تنزل دم الدمعات

لتْرابك قبلناه – والمدمع يجري دْموم

..............

بْسجنك شفت الالام – مُرّه وْ صعبه الايام

راكع ساجد متنام – بيك تْباها الاسلام

شانك ربنه العلّاه – عالم انت وْ معصوم

..............

بغداد اليوم احزان – عْليك تْنوح الاوطان

تْواسي خير الاكوان – سرّ االباري الرحمن

الارواح تْروح فْداه – نور الحي القيّوم

..............

رغم ارهاب الكفّار – نْزورك يبن الاطهار

ما همّتنه الاخطار – لجلك نزحف عالنار

والحاقد نتحدّاه – نْخلّيه حاير مغموم

..............

زحفالگبرك جيناك – يا مظلوم وْ ننعاك

وينه الطاغي العاداك – بْذله وْ عار الجافاك

خايب فاشل مسعاه – حكم الظالم ميدوم

..............

بيك المهدي نْعزّيه – بِمصابك ونْواسيه

يْنصره الهادي وْيحميه – من كل شر يلاگيه

داعي الحق ناديناه – بْيوم الحزن المالوم