• القسم الرئيسي : ثقافات .
• القسم الفرعي : ثقافات .
• الموضوع : من جحر , ما يلدغ الحر مرتين .
• الكاتب : عباس طريم .
من جحر , ما يلدغ الحر مرتين
|
|
من جحر , ما يلدغ الحر مرتين وانه بالعشرين لدغه من جحر +
ليا وكت ابقه , مثل مالك .. حزين جني مو عالارض ساكن , في صقر + كل حياتي , ابسلم عايشهه ولين والغدر , ما يوم في بالي خطر + والاشوفه ابضيج , ويدور معين يوم ينخاني , ابد ما اعتذر + حذروني اهواي , من الخائنين وللاسف , ما خذت حيطه ولا حذر + احسن الظن , ابجميع العالمين وما اظن بالسوء الا ما ندر + واعذر اليغلط ابحقي , عن يقين وحته لو جذاب, اخلقله العذر + واضح اوصادق اوي الناس وامين وكل درب امشيه , اطيحن بالحفر + والنذل من يجي ويحلفلي اليمين ما اخذله , وادري لابس ثوب شر + وعادة الانذال .. للطيب تلين حته ما يشعر الطيب بالخطر + يلوذ بيك وهوه ناصبلك كمين وياخذك ويغطك ابنص البحر + حذروني اهواي منك , يالعين ومن شفت دمعك على الخد انحدر + جيتلك ماد الكلب , كبل اليدين اندحر طبعي , وطبعك الفاشي انتصر + هاي ايميلاتك , ادموع وانين انطيتهه لمحمود , وبحقي اقر + ولامني محمود , كلي اي يمين ؟ هذه اخو الشيطان , ياما ناس ضر + وكلي : الوداك راس الماكرين وقصص عده .. ايشيب من عدهه البشر + طعنتك بالظهر , فاظحهه الجبين لرسم للطعنات بالكصه اثر + جنت اظنك , دارس , من العارفين وكلت ما معقول , يطعن بالظهر + كلشي تتوقع , من الماعنده دين عمره بالتسعين ومخاوي الخمر +
+ للاسف ما خذت عبره , من السنين ورغم هالطكات .. ما اعيد النظر
+ جنت اظن الدارس وفاهم , رصين منه بس الخير دوم - ن ينتظر + وجنت اظن المعرفه , اتبيض الجبين وبيهه كل الشرف والعز يختصر + صرت متاكد , وعن علم ويقين ممكن ايكون العلم , بالشر اشر + وممكن النشال , واللص الحقير من جميع اهل العلم , يطلع ابر + ربنه بس , اليعرف الحق المبين وباجر انه اوياك نوكف بالحشر |
|
|
• المصدر : http://www.kitabat.info/subject.php?id=74930
• تاريخ إضافة الموضوع : 2016 / 02 / 24
• تاريخ الطباعة : 2025 / 03 / 16