يا حبيبي يا عراق _ انت شمسي الماتغيب

بيك يا روحي السلام _ يحفظك الباري المجيب

يخسه من يحقد عليك _ ربنه عالحاقد حسيب

راح كل طاغي لفاك _ صار ماضي هالغريب

تربتك بيها الشفاء _ ما يداويني الطبيب

ارضك الدم والفداء _ دم امامي اِلتريب

قبلة العز والشموخ _ نفتديه اسمك يالعجيب

ينبهر كلمن يزور _ يصير للجنه قريب

مبارك الرحمان بيك _ عندك يقيم النجيب

دولة الحق والامان _ يومه كل ظالم يخيب

والظلم يفنى ويزول _ وترضه كلها بالنصيب

يفرح الكون وينور _ ويرجع الحق السليب

عاصمه الكوفة تكون _ والعراق يظل حبيب