• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : أردوكَان .
                          • الكاتب : حيدر حسين سويري .

أردوكَان

بعد التصريحات الأخيرة للمعتوه "أردوغان" أكتب إليه هذه القصيدة من الشعر الشعبي العراقي على لسان أبطال الحشد الشعبي المبارك:

أردوكَان

صار مسودن جنه حصان

يرفس والراكب متونس

ما يرفس بس الجيران

حالم يتصور كل عقله

يرجع عصمان وسلطان

مدري ياهو القاري براسه

متأكد هو الشيطان

كَام يصرح حرب الموصل

ويطالب جز الطليان

كَتلك "هتلر"

بس مو معناها تصدكَنا!

وتمشي بسيرة هالغمان

بَطْلْ ما تنفع جلماتك

ولا ترمش منا الجفنان

............................

أردوكَان

إسمع واتعلم وهمان

هذا الحشد الشعبي الجاكم

لا أمريكا ولا إيران

وان جانك بعدك ما تعرف؟

روح اسأل داعش "سلمان"

وكَلهم من صاحو: يا حيدر

أولاد "حسين" الشجعان

ما شافوا بالحومه اشصاير!

بس صوت وغبره ودخان

طبوهم واحدهم يركض

ويلاكَي بصدره النيران

وداعت "عباس" وصولاته

من نحضرلك اردوكَان

نطلع بيكم لا ميكضنا

إلا نعبرك لليونان

...................................   الخميس 13 / 10 / 2016




  • المصدر : http://www.kitabat.info/subject.php?id=84818
  • تاريخ إضافة الموضوع : 2016 / 10 / 13
  • تاريخ الطباعة : 2025 / 03 / 16