• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : طريم , والاربعين حرامي .
                          • الكاتب : عباس طريم .

طريم , والاربعين حرامي

    جان  وسط  الماي ,  عاليابس  مضيفه
              الجاي "للهدام" والرايح
                       يضيفه
                            +
   النار , ما ترتاح   ,  واصوات   الدلال 
            عالكه , وكل واحد امجالس
                          اليفه
                             +
   بيته  بيت  الجود  ,  والكل   يعتنيه
          وصفحته وي الله! والوادم
                         نظيفه
                             +
   وجان ديوانه  ,  استراحه لكل  غريب
             ليظل يستانس , وليسافر
                         ابكيفه
                            +
                            +
    جان  جدي ,   ما  يمل  امن   النكات
          ويدفع "لحسان" اذا سولف
                          طريفه
                             +
    وجان  يوم  الجد , اذا  ناده   النداء
              اول الفرسان تلكاه شال
                         سيفه
                            +
وليصيح  اعليه  ,  يجمد   بين    اديه
     مثل جندي وصاحله[ استاعد ]  
                        عريفه
                           +
    جانوا   ايسمونه  ,   حماي    الديار
          الجيش بسلاحه ودروعه
                    وما يخيفه
                           +
    وجان  عده  اطراك , من تسمع دويه
          اتكول موش اطراك , سامعلك
                        قذيفه
 
                           +
    السفره  ممدوده  , وعليهه الزاد حار
        اوراحته ويلضيف , اذا يجسم
                      رغيفه
                          +
              
   كل  شتاه  ابهل الزرع  ,  ويه  العمام
        وبالحصاد ويه الربع , خلصان
                        صيفه
                          +
 
  كلشي  هين بالسلف  , بس لا اتبوك
        البوك عدهم , خصله شينه
                  ومو شريفه
                          +
 عنده  طركاعه , ومصيبه  اللي يبوك
          والكتل , يعتبر مسألته
                        خفيفه
                          +
والمزيف  والردي  ,  ابوسط   العمام
        الزوم - ن ايكشفوه ويعرون
                       زيفه
                         +
وعنده  [جلمة شرف ] تعنيله الضمير
         الهيبه والعز , اليفاخر بيه
                       ريفه
                         +
                        +
  جدي   بالجنسيه  ,    مكتوب   النزيه
         جلمه ومكمله [ لما نوع
                   الوضيفه ؟]
                        +
جان    يتفقد     ,     العاجز     واليتيم
          والمره الما عدهه احد
                 والضعيفه
                      +
وجان  لهل  السلف.. من  ماله   الحلال
        عن قناعه, وعن نفس طيبه
                   نصيفه
                      +
جدي   ما   باك    ,    وتلوث   بالحرام
       وما بنه اقصور, وبقه ابذيج
                    الصريفه
                       +
وعاش  عالسياح   ,   والطابك   الحار
    ومن تضيفه اتكول , جن ضايف
                    خليفه
                       +
وين  جدي  ايشوف ,  حكام    العراق
       ابلندن وباريس كل واحد
                   مصيفه
                      +
باكو   ابنص الظهر   ,     مال   البلاد
     يحمل الاخ , ويجي ايحمل
                    رديفه
                      +
والمواطن ,  ماخذه  الدم    والنزيف
        والطبيب احتار , ما يوكف
                   نزيفه
                      +
العوز  هده   ,  والفقر  كابس  عليه
       عايش ابعيشه , اقل امن
                  الكسيفه
                    +
ابد  ماشفنه   الفرح   ,   مر  عالبلاد
       ومومشفناه الفرح , ماشفنه
                  طيفه
                    +
الشعب  يتضاهر , عله ارموز الفساد
       والوضاع اليوم ,  ياجدي
                 مخيفه
                    +
اتقاسموا  خيراتنه   ,   ونهبوا    المال
     ارجال متحزمين , وايديهم
                  خفيفه
                     +
صار  واحدهم  مثل  :   ملك   الزمان
         عده حاجب شايل اسلاح
                اوصيفه
                    +
سمان  صاروا  ,  والعيون   امكحلات
      والشعب مكسور واعيونه
                 كفيفه
                    +
ما بقه  ابهذه  البلد  , قرش - ن حلال
     اتنظف امن المال , ياجدي  
                 ابليفه
                   +
ا
والجذب  ياجدي , صار الهم  شعار
      رسمي , كل جذاب فاتحله
                 صحيفه



  • المصدر : http://www.kitabat.info/subject.php?id=74148
  • تاريخ إضافة الموضوع : 2016 / 02 / 06
  • تاريخ الطباعة : 2025 / 03 / 16