• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : تجي وْ تزحف ملايين .
                          • الكاتب : سعيد الفتلاوي .

تجي وْ تزحف ملايين

 تظل اكبر مسيره
زيارة اربعينه

تجي وْتزحف ملايين
مناها تْزور الِحسين

زحف من كل مدينه
يواسي بت نبينه
.
.
...........................
.
لبو اليمّه زحف لاحرار تزحفله – مسير الكون ما شاف وْعرف مثله
بْصفر يجري السمه وْافلاك تشهدله – رغم لارهاب توصلگبره وتقبله
تِشم تربة وليها – ابن بضعة نبيها
رسول الله وْنذيره – وابن حيدر ولينه
.
..........
.
مسافات وْطريق اخطار ما ردها – قتِل وارهاب هالزوّار ما همها
عزيمه وْهمّة الكرار قائدها – تجي بْلهفه وْحنين تزور كعبتها
تطوف بْگبره لاحرار – رغم كل جور الاشرار
فلا مثله وْنضيره – الامين ابن الامينه
.
..........
.
ملايين البشر تزحف لبو السجاد – تِمرّ سْنين ونْشوف العدد يزداد
عظيمه هالشعاير شفنه بيها امجاد – امر رب الجلاله بْكل سنه تنعاد
تِقَدّس هالشعاير – مواكب والمنابر
زَحِفنه اعظم شعيره – الضريح الذابحينه
.
..........
.
كرامات وْعجايب باربعين حسين – نعم شفنه كرامات التسرّ العين
قصص بيها وْعبر خالد ذكرها سْنين – رسمناها بْقصايد بيها مفتخرين
نعم بيها افتخرنه – وْتحدّينه اليضدنه
الحسين الله نصيره – اليضدّه الله يهينه
.
..........
.
زحف هاليوم اجتّي الكربله الانصار – لبو القاسم عزاها وْللولي الكرار
وْتعزّي الطاهره بتّ النبي المختار – عله المذبوح تنعه وْتندب الاحرار
تِنوح اعله السبايه – وْتعزي اهل الولايه
بالاقمار المنيره – اليزيد اجت تدينه
.




  • المصدر : http://www.kitabat.info/subject.php?id=54576
  • تاريخ إضافة الموضوع : 2014 / 12 / 03
  • تاريخ الطباعة : 2025 / 03 / 16