كتابات في الميزان / ردّات حسينية للهيئات والمواكب ( 1 )

فديت حسين ابن خير البريّه – ابن جامي الحمه وْابن الزچيّه

بِعْناد النواصب – اَتحدّه المصاعب 2

وازورن گبره واتحدّه المنيه

..............

عزاي الليله للحرّه التقيّه – الصبوره الطاهره بت الزچيّه

الزينب جيتَ اَواسي – واضرب بيدي راسي 2

اسف بضعة علي صارت سبيّه

..............

اظل للموت انعه الغاضريّه – وون عاللي انذبح صبح وْمسيّه

حزني دايم اعليه – الساني وْ گلبي يرثيه 2

دْموم ادموعي من هاي الرزيّه

..............

اَلِعنك يا يزيد ابن الدعيّه – يفاجر يا امير الناصبيّه

يا طاغي يملعون – مْصاب حسين ميهون 2

عليه تْنوح دمّ الجعفريّه

..............

گمر هاشم يليث الغاضريّه – ابو النوماس يالكلّك حميّه

الغيره انت يعبّاس – نْباهي بْاسمكِ الناس 2

يسبع الگنطره يبن الرضيّه

..............

يبو الثوّار ما هاب المنيّه – وَاقدمِ الروح لتْرابك هديّه

نهجك نهج الاحرار – مو ذلّه ولا عار 2

قضيتك يا حسين اعظم قضيّه