• القسم الرئيسي : ثقافات .
• القسم الفرعي : ثقافات .
• الموضوع : واحك راس الحسن وحسين ما اتطيح .
• الكاتب : عباس طريم .
واحك راس الحسن وحسين ما اتطيح
|
|
واحك راس الحسن وحسين ما اتطيح
ثابت ياجبل مايهزك
الريح
+
ها الولاد ها حدوهه السيوف
شيعه وسنه كلهه اتنادي
واتصيح
+
نكص ايده اليفكر يوصل احذاك
وليلمح يضرك يوم
تلميح
+
اليمسك يا وطن ما ايظل عله الكاع
عله اترابك يظل دم منحره
ايسيح
+
نشمره ابمزبلة عبود ابو الجام
ما يوصل ابد غرفة
التشريح
+
فتتهه المرجعيه ابحمل السلاح
فتتهه وصار بيد الناس
تصريح
+
بدينه انحارب الدشوا عله الدار
بالمكوار مو مشكله
التسليح
+
اجونه المنتشر بيهم الطاعون
ما يدرون عدنه الهم
التلقيح
+
اجانه الطاح من برج الامارات
وما ينفع ابد وياه
تصليح
+
يظن الطب علينه ينام مرتاح
وبالزوراء يكعد
بالمراجيح
+
ارض بيهه الايمه اهل الكرامات
وشعبهه منشغل ل الله
تسبيح
+
وعدهه ارجال سمره وعدهم اسيوف
اجو بخيول بيضه اسرع من
الريح
+
جبل عالي العراق ايغطي الكون
من هذا الجبل , داعوش
شيزيح
+
زلم بيه تاكل العايل والوياه
عله احدود الوطن من دون
تمليح
+
|
|
|
• المصدر : http://www.kitabat.info/subject.php?id=48151
• تاريخ إضافة الموضوع : 2014 / 07 / 07
• تاريخ الطباعة : 2025 / 03 / 16