|
احنه من امريكه نهتف ياحكيم
وهاي الك اصواتنه .. انعد
بيهه
+
ومن فنكس .. ونحلف بربنه العظيم
ويه ريح الهابه
انوديهه
+
يا مفكر ياشجاع ويا كريم
ياللي هاي الدنيه .. حب
ماليهه
+
اني اظن مو عاكل وكلش غشيم
اليظن غيرك .. هالبلد
يبنيهه
+
مثل جدك .. انته وكت الجد حليم
وبالشدايد .. والنعم
راعيهه
+
انت راس الامة , للباطل خصيم
اتشيل سافلهه .. اوتدك
عاليهه
+
انت اليمر بينه .. متخليه سليم
وجان ابوك اوجدك
امسويهه
+
انت ابن حيدر .. الشيطان الرجيم
من يمر بيك .. اللهب
يطيهه
+
انت ابوك الجان لصديم , صديم
ارواحهم .. اعدائنه
ينسيهه
+
وجدك القاد العراق , وكل زعيم
ينحني له .. وهامته
اينصيهه
+
وعمك اللي يبجي من همس النسيم
ودمعته ابحضرة علي
يجريهه
+
وانت ياللي ابدين سادتنه عليم
وهايه امة .. وللعدل
تهديهه
+
احنه ما زلنه على عهدك نقيم
وما نكلك غير يا
غاليهه
+
انت ياعمار من عهد القديم
انفوسنه , وما نمتلك
شاريهه
+
انته بالحك , مثل خط المستقيم
وايدك ايد اسباع .. من
يلويهه
+
احنه بالمهجر .. بكل طرحك نهيم
وياك .. من اولهه حد
تاليهه
+
انت منصف بالعدل , وانته الحكيم
وابن سيد محسن
ويكفيهه
+
ايحسب الف احساب لسمك .. كل غريم
اليعتني ابلادي ويخرب
بيهه
+
وداعتك كل شعب بي واحد لئيم
يطلع الاهل العلم
يرميهه
+
وما نكله غير كل حجيك قديم
حجايتك يابو لهب
خليهه
+
املح انت .. اشحال لو شكلك وسيم
العرب كلهه .. جا جبت
طاريهه
+
احنه يا بو لهب , احباب الحكيم
ولجله هاي ارواحنه
انضحيهه
+
ما نقارن جهل , بالعكل السليم
واللفو .. ماهو مثل
راعيهه
+
وما نبدل جوهر , ابمعدن عقيم
الجواهر , بخت من
يحويهه
+
لو همس عمار , يقدم كل مقيم
ومن ينادي .. ارجال بس
نمليهه
+
كل تحيات المحب ويه النسيم
أويه كل امسافر
انوديهه
+
لسيدي عمار.. من كلب - ن سليم
ومن محب .. للي يحب
يهديهه
+
|
