• القسم الرئيسي : ثقافات .
• القسم الفرعي : ثقافات .
• الموضوع : فرحان الفلك .
• الكاتب : سعيد الفتلاوي .
فرحان الفلك
|
|
هاليوم هاليوم فرحان الفلك
والكون فرحان كلّه وْ يالملَك
.................
افراحنا اليوم لاجلك يالبدر
موعود هالكون بيك وْيفتخر
رحمه انت للناس واليوم الحشر
احبابك احنه اليعادينه هِلَك
.................
مستبشره الناس ضوّه المصطفى
يانور الانوار والرب وصّفه
نورك يمولاي ألله الشرِّفه
متزلزله الگاع وينه اللي شِرَك
.................
ميلادك اشرق بريقه من السمه
مضويّه الاكوان شرّف مقدمه
افراح هاليوم باسمك قايمه
من هاب الاعداء وينه الحاربك
.................
كل ولدك اَعلام وانت اوّل عَلم
يالدين الاديان بيكم انخِتَم
تفسير الايات منكم والحِكَم
خدّام خدّام فدوه احنه الَك
.................
فرحانه هالناس والله وْتحتفل
تترجّه الامال من يومك يِهِل
اكبار وصغار تدعي وْ ماتمل
تتمنْه وتريد مهدي اليخلفك
|
|
|
• المصدر : http://www.kitabat.info/subject.php?id=41719
• تاريخ إضافة الموضوع : 2014 / 01 / 18
• تاريخ الطباعة : 2025 / 03 / 16