• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : انتخب كل واحد ايحب الحسين .
                          • الكاتب : عباس طريم .

انتخب كل واحد ايحب الحسين

انتخب كل واحد ايحب الحسين
وال بيته ايحبهم
اوذريته
_ _ _
لان ال البيت كالدر الثمين
واليحبهم صدك .. يعمر
بيته
_ _ _
انتخب صاحب كرم عالي ودين
ياهله ايكلك , اذا
ناديته
_ _ _
انتخب من جان ضد الظالمين
ايشد جروحه اويبتسم
خليته
_ _ _
اهله تاريخ انكتب للعالمين
يراعي ابشعبه اشوكت ما
جيته
_ _ _
انتخب ابن الفحول الصالحين
وابد ما اندم اذا 
سميته
_ _ _
اتحمل الالام كل هذي السنين
ودفع فاتورة صفائة
نيته
_ _ _
انتخب من جان حازم لا يلين
واهله كله استشهدت
سميته
_ _ _
الصامد اللي ما ترك يوم العرين
الله ما يرضالي اذا
ساويته
_ _ _
ابشخص ما يعرف يساره امن اليمين
اتظنه وي الكل .. اذا
ظنيته
_ _ _
ما انريد انكول تالي خاطئين
وانتخبنه افلان سيء
صيته
_ _
ونبقه بس انلوم ونعض باليدين
انكول ما صار الجره
ياريته
_ _
وصوتت لفلان والله المعين
يستحق ما يستحق
انطيته
_ _
انتخب قائد رمز .. عالي الجبين
بالشرف والطيب ذايع
صيته
_ _
ناسك وراكع ومصداق وامين
اذا عد اهل التقى
عديته
_ _
ثوبه ابيض ناصع وصافي اليدين
بيه ريح الجنه , لو
شميته
_ _
انتخب مؤمن وحبل المؤمنين
بيه ما ينكطع لو
شديته
_ _
انتخب من كال للشعب الحزين
هانت , وصادك صدك
حسيته
 
للسلم يسعه , ويجاهد عن يقين
حمل وردة , وما حمل
شبريته



  • المصدر : http://www.kitabat.info/subject.php?id=40469
  • تاريخ إضافة الموضوع : 2013 / 12 / 13
  • تاريخ الطباعة : 2025 / 03 / 15