• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : حدر الوطن .
                          • الكاتب : كاظم ال مبارك الوائلي .

حدر الوطن

 ونحن بموسم  بشهر الثورات.. من الجميل ان نتذكر انتفاضة اذار/شعبام عام , 1991 , ولهذه المناسبة التي تجاهلتها وسائل الاعلام الحكومية العراقية كتب هذا الزهيري المولد.
 
وجه يحادي الظعن حدر الوطن سر بنه
انحبه حب بالعلن ولا هذا مو سر بينه
ويهلي بينه الوطن لو شا فنه ايسر بينه
 
بـ آذار النه فخر صح راينه بگعلنه
نتنومس اوية الفشگ وجدامنه عگّلنه
أسنين هاي انكظت متنكسة عگلنه
 
يا صاح ارد اسألك ليش الدهر معدنه
نشتري بدمنة الذهب يطلع شبة معدنه
وبمراض ما تنجلي هذا الوضع معدنه
 
وبدماية أهل العلم نملي بنخب شربنه
دکينه دف وطبل من باعونه وشربنه
وصفونه غير البشر لاخير بس شربنه
 
لاچن الليل انجلة وهسة انبثق فَجرنه
من بعد نومة وطر بيهه كثر فجرِنه
فزينة فزة صدگ ثورة بعزم فجّرنه
 
وبچلمه طاب الجرح لهل الچذب مرضنه
بالموت لو بانصر وصف الدوة المرضنه
ودوانه طعم الشهد الما ضايگه مر ظنه
 
آذار بينه افتخر من ثارت ارجالنه
للحومة بينه تعت ارواحنة ارجالنة
والموت عدنة أمنية للخالق ارجالنه
 
والصاد عن الظعن خَلي ايهَلك سر بينه
 
  
 

كافة التعليقات (عدد : 1)


• (1) - كتب : هداية عبد من : عراقية مقيمة في مصر ، بعنوان : رائع في 2011/03/05 .

والله شاعر بكل المعاني قصيدة من النوع الزهيري وبنفس القافية هذه تعتبر ليس ت شاعرية فحسب بل هي عبقرية أيضاً. مبروك عليك تسمتيك من شعراء الثورة المصرية لمساهمتك مع الشعب المصري بقصبة الارض بتتكلم مصري فأنا زادني فخرا عندما قرأت في الصحف المصرية ان القصيدة التي ألهمت الثوار المصريين هي لشاعر عراقي



  • المصدر : http://www.kitabat.info/subject.php?id=3832
  • تاريخ إضافة الموضوع : 2011 / 03 / 05
  • تاريخ الطباعة : 2025 / 03 / 16