علي الكرار واسمك حاضر الشدات – نعم باسمك ولينه نْواجه الصعبات

 

وابد من هاب وشْما صعبة الكلفات – بالكلفه وْ يانه وْ تحمينه

 

..............

 

علي وبْسمك نباهي الدنيه والافلاك – يبو الحسنين بالدم احنه بايعناك

 

نعم للموت يا بو الحمله عاهدناك – للموت نْبايع والينه

 

...........

 

يبو الحسنين بيك تْفاخر الاسلام – لان باب العلم انت وْ ابو الاَعلام

 

ابو الاطهار والينه وْ ثلثت انعام – تْباها الكون بْاسمك وانت العالم ياكرار

 

............

 

رح بيك الحرَم بالمولد وْ حياك – وْبامر رب الجلاله يرحب بْملگاك

 

علي وْ هوه الجليل بْهالاسم سمّاك – بالعرش مْثبِت عنوانه

 

...........

 

يبو الحسنين عدل ربنه وْ يميزانه – وْ يرمز الدين فخره انت وْ يعنوانه

 

يِنور الكون من نورك يمولانه – للموت نْبايع والينه بالمحشر هوّه يْنجّينه

 

...........

 

علي وْ اسمك يهزّ الكون يا مولاي – يحلّال المشاكل يا حكيم الراي

 

علي بْحبك اواجه كل شرور عْداي – كل شدّه وْ ياي تْنجيني

 

..........

 

روافض لليبغظك يا امام الكون – رفضنه اهل السقيفه وْ كل ولد هارون

 

فنه وْ خاب اليبغضك وانحسب ملعون – شلون نْعوفك حيدر وانت الحق وْياك

 

...........

 

ولاده مْباركه هلّت علينه – بْرجب ميلاد ابو الحمله وْ ولينه

 

ابو الحسنين باسمه احنه عْتلينه – نْباهي الدنيه وْ كلّ العالم بالكرار

 

..............

 

ولي وْ اعظم خليفه وْ مفخرة هالدين – كِفَل حال اليتامه وْ يفگد المسكين

 

فلا قائد مثيله شْما تدور سْنين – عنوان الخير وْ قاموسه

 

............

 

يساقي الحوض دخلك يا علي الكرار – بْفتاويهم علينه تْعدّو الاشرار

 

بْسبب حبك ولينه وْ بيتك الاطهار - للموت وْ حبك منعوفه

 

..........

 

شِرَق نور الامامه وبْرجب نور – اله الكون للناس بْعلي بشّر

 

الملك والحور هّلل والنبي كبّر - فرحان الكون وْ افلاكه