سابقا كانت هناك مقولة شائعة وهي جزء من قصيدة شعبية معروفة، تقول كلماتها :

عيش ابخت واحجي ابخت وبوكَ ابخت مكَرود يالمالك بخت

اما في عصرنا فصار العرف والواسطة اساس النجاح والحصول على الحاجات المشروعة وغير المشروعة. وانا اقتبست هذه المقولة من القصيدة الشعبية وحورتها وكتبت منها القصيدة التالية لتعبر عن فكرة العرف والواسطة ولو باختصار:

عيش بعرف واحجي بعرف وبوگ بعرف..

مگ‍رود يالمالك عرف...

لو تدخل لأي دائرة..

توگف ذليل ومرتجف...

حقك يضيع وينوخذ.. 

وفلوسك من ايدك تروح وتنلغف...

محد يكمل شغلتك.. 

محد الك عينة ترف..

وغيرك يجي عنده عرف..

كلهة تشهدلة وتعترف...

لو جنت من اهل البخت..

وبراسك انتة ينحلف...

او جنت مجهول الاصل..

ومبهذل وحالك كــَـلـِف...

ماتفرق وياهم ابد..

بعيونهم ما تختلف...

مادام عنك واسطة وعندك عرف..

تصعد ويشيلك عالچ‍ـتف...

هذي الحقيقة المؤلمة..

هذا زمننا وكلشي اصبح منكشف...

بس لاتحزن ولاتنفعل..

لاتكتئب لا تنعزل لاتعتكف..

خليك عايش مبتسم..

مهما كبر همك يزول وينتلف...