واسي طه او عزّي العتره

 

وانعه امْصاب البضعه الزهره

 

................

 

لْكسر ضلع الزچيه انعه – عله الهظمه او عله الفجعه

 

وْلجل محسن دمه الدمعه – ون عالصابوها بالغدره

 

..............

 

چبيره اشگد مصايبها – وْصعب نوصف نوايبها

 

عميد الشر يحاسبها – بْطاغوته اتجبّر عالحره

 

...............

 

عزانه ايظل حزن دايم – عله الزهره يظل قايم

 

رغم ارهاب كل ظالم – نْخلّي الغاشم دوم ابحسره

 

..............

 

يظل يوم السقيفه اسود – الفتن منّه فلا تنعد

 

جمر نيرانه ما تبرد - والحق لابد ربنه ايظهره

 

..............

 

فتاويهم ظلم كافر - عله البضعه حقد سافر

 

وْعله الكرار والطاهر – مفتيهم كل شيعي ايكفره

 

..............

 

خسه الطاغوت واعوانه – فتاوه الموت عنوانه

 

بْسبب مذهبنه عادانه – باطل سعيه او فاشل امره

 

..............

 

يعادونه او يكفرونه – عزه الزهره يمنعونه

 

نجافيها يريدونه – قايم مأتمها او منهجره