يا بوفاضل صرختي يا بوفاضل
مفخرة عدنان يا بدر الهواشم
شبل ابو الكلفات معروف المكارم
يا بوفاضل صرختي يا بوفاضل


...................


يا بطل مهيوب من حيدر وسامك – كربله الهليوم مفتخره ابحسامك

يا صمود حسين واعلومه ابكلامك – ماتهاب اعداك صولاتك ملاحم

...................

يا علي الكرارانت ابكل صفاته – جيش ابن سفيان ارعبته او حماته

من وگفت ابزود عالشاطي او فراته – ماشربت الماي گلبك عالفواطم

...................

روع الظلام سيفك يابو فاضل – يبن ابوالحملات شخصك من ينازل

بالحرب مغوار وبْزودك تقاتل – يالرفضت اتعيش ويه اهل المظالم

...................
حيرت عدوانك ابهاي الشجاعه – سيف ابو الحسنين مشهود ابنزاعه

بالقتال اوياك ماترهم براعه – وبْسهم غدروك من بَعد الهزايم

...................

بْمدمع الاحزان واسينه ولينه – حيدر الكرار والحره الامينه

دنيه والاكوان لمصابك حزينه – دايمه الاحزان لجْلك والمآتم

...................

عنك الاخبار من زينب توالت – امك المرضيه بچفوفك تباهت

تگلها خيل اعداك بچفوفك تهاوت – باسم ابو النوماس مقرونه العزايم

...................

گبتك مولاي هنياله الگصدها – انت عالصعبات تگضيها او تسدها

ابابك الحاجات اعجاز اليعدها – بالاريج ايفوح گبرك والنسايم