شبصرك بالليالي السود لاونّـه **--*--** يضل همّه الشماته شما يوازنّـه



 

**********

 

لاونّي الليالي ونشـفـت أرياگي ******** وراح الچان مايـتـحـمّل أفـراگي

 


ماهمني الوكت من عتعت أزياگي *** همني الشّـافني وهز رگبـته وغـنّه

 

***********

 



غنّه بكل شـماته وما تكفّه بهاي * چي گاعي أصبحت عرگوب هدّ الماي


 

عكـّازاتي راحن واصبحت گـنّاي *** والضلليـت أنـطره مـن أيدي عـتّنه

 



************

 

عتنّه بوكاحه مشتتات البال **--** وأطنّه لــزماني النحر بـيه وشـال 


 

گمت اتوچّه بيــد وأيـد عالدللال **** چـيـن مــرادف الطـگّــّات هــزنّـه

 

************

 



هزنّه ويضعرس حد گطاع النيط * مرّه اعلى الكلافه أيزود مرّه أيشيط 


 

توصل بيه جلاده بساعة التـنگيط **** فــز ومال حـاضـر هب ولا چـنّه

 

************

 



ولاچنّه هذاك البـيه سـبع أرماح * واگفت خيل ربعه وگوطروا من طاح


 

ضل يسحگ بجرحه وشابگ السـبّاح *** وأيّامه الـترادن غـصب ودنّه

 

************

 

ودنّه وركـد وكـته مـنالـمّايل **-**-** ولـمْ الجـازيات وحطهـن بفـايل

 

رد اومى لرفـيجه الچان يتخايل **** هـذاك الچان بس هوّه ولا عـنّه

 

*************

 

ولا عـنّه تبيّن من يهـيد الموج * طبطش بالشواطي وسمّى روحه يفوج

 

يكشــخ بالـنفاه ســواية السـردوج **** بـس بالـضيج يقبل ينزعل منّه

 

*************

 

منّه اشلون تزعل وهو بنص احساس * وهوايه اعلى شاكلته بعموم الناس

 

الماينگال عـنّه ونعـم رفعـة راس ********* هـذا ايـعـد لـيالي ومايعـدّنّه

 

*************

 

يعدّنّه الليالي الزمْ اشافه بغيض ***** يلكد مهرته وغربل بعز الگيض

 

بالميدان لاح ولا تنه التحريض ****** من يســمع الهاهـو گام يتچـنّه

 

*************

 

تچنّه وصاح اخو افلانه بيوم الهاه ** ولا مرّه التردد من تجي وتنخاه

 

دوره بالثـجـيله لو ردت تلگـاه **** هذا الراد يسّــــولف صدگ عـنّه

 

*************

 

عـنّه سـولفو وانشـد عـليه الجار ** صبها بس اهي من يلفي ليه خطّار

 

مـنـدوه ابوسـط مجمـوعـته وينشـار **** مايـوم بحياته اتحـمّل المـنّه

 

*************

 

مايوم بحياته اتحمّل الـمنّه