آنه ذاك آنه الـتعـرفه **** الگـبل لا تكـبر هـويتك


وآنه ذاك اللي يگلّك ***** تســكن بـدللالي ريـتك



چنت اعارك دوم عنّك *** وآنه مفـشوخ وحميتك

وانته تجفي وتصـد عني *** واعـتنيك لـباب بـيتك

خلي اذكرك خاف ناسي *** شـلون شاركتك بليتك

واضن تذكر مـيت مـرّه ** شـما أهـم رجلي تـنيتك

وانته ذاك الچنت تـقسي***** وآنه متحمّـل اذيتك


تذكر أشـچم مـرّه بالحَر** أضل عطشـان وسگيتك


وأنته چم مـرّه صـرتلي *** درب عاثور ومـشيتك


وآنه ذاك الچنت اجازف * من ورى الممنوع اجيتك


چنت مطلوب أعلى راسي** ورغم كل هذا اعتنيتك


بـس اعذرك موش منّك ** خططو وانته أعلى نيتك


أدري بيه غصبن تغيّر**** لون الغـروب بمسيتك


وادري بـيه الباگ حِلّك ** صار ناطور اعلى بيتك


لچن ترجع ذاك انته  ******* ومـثل ما آنه هگـيتك


واضل دوم اترجـّى زودك*وافـتخر من يعلا صيتك


واعـتقد تدري انته روحي ** بگت مرهونه بثنيتك


بـس اضل كلما أفگدك ***** دورّت گلبي ولگيتك


دورت گلـبي ولگـيتك

أبو ماجد الزيادي

ابوذيه

*******

أفگدك وجس دللالي وحس بك

وضل كالساع أطشّـنّك وحسبك

آنه النســب صايرلك وحســبك

يغـالي اشــغـيّر احـوالك عـليه