|
بارض الكوفة قتلي
أنا المقتول بالغدرِ
غريب الدار والاهلِ
,,,,,,,,,,,,,,,,,,,
لارض الكوفة كلّفني
حسين الوالي آمرني
اِمام الدين والبرّ
رسالة منَّ حملّني
هاي الكوم طلبتني
خويه مسلم ساعدني
أشوف الموت داركني
..............
وصلت للكوفة وضنّي
هناك الناس تعرفني
صرت مذهول بامري
صار الكل يصِد عنّي
أمرهُم صادر بقتلي
عجيبة الناس عافتني
اشوف الموت داركني
..............
أمير البغي والكفرِ
أمر بالكوفة قتلي
وأنا الحيران ماادري
وحيد وما اِلي والي
بلا مأوى ولا دار
والعطش أخذ منّي
أشوف الموت داركني
..............
اِجيت البيت أدك بابه
أذا بيهه تجاوبني
طلبت منها تسكيني
أنا المظلوم عينيني
أدور البايَع الديني
رسول حسين تدريني
أشوف الموت داركني
..............
أريدج طوعه تخفيني
أنا مسلم تعرفيني
غريب وحدي تركوني
هاي اِلكوم نِكروني
هذا الموت حاويني
بس هالليلة ضيفيني
أشوف الموت داركني
..............
أناشدكم شنو ذنبي
يااهل الديرة حاجوني
عجيب هذا ياربِّ
ليش اِنتو تغدروني
اِجيناكم عالمَطلب
وصلْتلْكم تعيفوني
أشوف الموت داركني
..............
قدر وتشوفه عيوني
بقصر كوفان جابوني
اِمام الجور خيّرني
تريد الفوز بايعني
صِحت وبصوت هزّ الكون
أفدي الروح اِلك ياحسين
أفدي الروح اِلك ياحسين
أفدي الروح اِلك ياحسين
,,,,,,,,,,,,,,,,,,,,,
خادم اهل البيت ع
سعيد الفتلاوي الطويرجاوي |
