• القسم الرئيسي : ثقافات .
• القسم الفرعي : ثقافات .
• الموضوع : المهد خالي .
• الكاتب : سعيد الفتلاوي .
المهد خالي
|
|
عبدالله المهد خالي _آنه الساهرت الليالي
يحير الروح يا حالي _ اَلوْلي والمهد خالي
..................
يمّه ابني يارجواي
منعَوا عَنّك الماي
عبد الله ياضنواي
رِتّك الي حمّاي
عنّي ارحلت يامولاي
فكدك غيّر احوالي
عبد الله المهد خالي
,,,,,,,,,,,,,,,,
يمه من اشوف الماي
تمنّيتك ياسلواي
واشربك بديَّ هاي
وليدي يامنواي
مشدوهه تراني
وين ابني الوالي
عبد الله المهد خالي
,,,,,,,,,,,,,,,,
احسنّك تناغيني
اشوفنّك تِسر عيني
بعدك من يسلّيني
اناغيك وتناغيني
امل كل عمري وسنيني
هضيمة تموت يالغالي
عبد الله المهد خالي
,,,,,,,,,,,,,,,,
ضحكتك على بالي
مرسومة بخيالي
رسمك تراوالي
يابو الضحكة التلالي
اريد الموت يجرالي
عمري ماحلالي
عبد الله المهد خالي
,,,,,,,,,,,,,,,,
ربّ انت يالهادي
تسمعني مننادي
صوتي لاارادي
ردْ لي ابني انادي
يارب العبادِ
صبرك عالجرالي
عبدالله المهد خالي
,,,,,,,,,,,,,,,,
بسهم ذبحوك يالغالي
بامر ملعون شيطاني
ضرب سهمه وشل حالي
وابتدت رحلة احزاني
ونصيح بصوتنه العالي
لعنة ربنه عالجاني
,,,,,,,,,,,,,,,,
,,,,,,,,,,,,,,,,
خادم اهل البيت ع
سعيد الفتلاوي الطويرجاوي
|
|
|
• المصدر : http://www.kitabat.info/subject.php?id=10509
• تاريخ إضافة الموضوع : 2011 / 10 / 19
• تاريخ الطباعة : 2025 / 03 / 16